Iyadoo uu Shirka Dib u Heshisiinta Somaaliyed uu maraayo Wajiga Seddaxaad ee Awood qeybsiga ayaa Beesha Digil ay si taxaddar leh uga fiirsaneyso sed buursiga ay doneyso Beesha Mirifle iyo Qab- qableyashooda Dagaalka.

Taarikhda lagu dhisey Isbaheysiga Digil iyo Mirifle way caddahay , qoralladeedana wey yalaan waxayna ahayd Beel lagu magacaabey loogana yaqiiney Somalida dhexdeeda " Digil iyo Mirifle", haddase Beesha Mirifle oo isku hubeysey magaca RRA ayaa soo saartey Taariikh cusub iyo beel cusub oo ay ku magacaabeen " Sideed , Sagaal iyo Digil " arrintaas oo ay waxba ka duwaneyn Qori ku haysashadii laga soo horjeedey, oo aan haba yaraatee lahaan karin micno Beleed.

Sida la wada ogsoon yahay Beesha Digil ma hubeysna badigeeda , mana aysan ka qeyb galin dagallada sokeeye ee ka dhacey Somaaliya, laakin waa Beel soo jireen ah oo degta Gobollada ugu Barwaaqada badan ee Dalka Somaliya sida Sh. Hoose, Jubbada Dhexe, iyo Jubbada Hoose, waana Beel ku abtirsata Somali Jaceylka, so dhaweynta iyo toleynta Somaliyed iyo Nabad ku wada noolaanshaha, taasoo u keentey in Beel kasta ee Somaaliyed iney hunguriyeyso Beesha Digil.

Beesha Mirifle ayaa Shirkii Djibouti ay cagta hoosteeda gashatey Walaalahooda Digil kuna sameysey Caddalad darro oo ay taariikhda Xusi doonto, oo la wada arki doono goorta ay Somaalidu bilowdo cod bixinta ku dhisan habka Dimoqraadiyeed markaas oo la kala ogaan doono Beesha Tirada badan iyo tan tirada yarba.

Dood iyo falanqeyn ka dib , waxaa Beesha Digil meel kasta oo ay joogtaba isku raacdey in Beesha Mirifle ay ku so sameysey Caddalad darro Shirkii Djibouti, haddana ay isla sidaas wax u dooneyso iney sed buursi ku sameyso Beesha Digil oo sharci ahaan ay wax u qeybsan jireen 50% sida ay qirayaan Odey-dhaqameedyada soo jireenka ah iyo Taariikhdii lagu dhisey Digil iyo Mirifleba.

Arrinta si kastaba ha u dhacdee , Beesha Digil meel kasta oo ay joogtaba waxaa ka go'an ineysan marnaba Raalli ka noqon Dulmiga ay wataan Beesha Mirifle, kana dagallamaan inta karaankoda ah xittaa haddii ay taasi keeni doonto inuu Digil ka go'o Beesha Mirifle.

WARIYAHA MAAYLAND XALIIMA IBRAAHIM CABDI- MUQDISHO SOMALIYA - 1/7/2004