Odeyaasha, Culuma-Uddiinka, Aqoonyahanada,Siyaasiinta iyo Dhallinyarada Beesha Reer Baraawe ee ku nool dalka Boqortooyada Ingriiska, london, ayaa aad iyo aad uga xumaadey arrinta Yaabka badan leh oo ka dlhacday Degmada Boraawe oo ka mid ah Degmooyinka ugu taarikhda dheer ee dalka Soomaliya. Waxaana degmada ku dhasheen shuyiuukh waa weyn oo diinta gaarsiiyey meelo badan dalka gudahiis iyo dalalka kale ee ka tirsan Afrika SIDA SHEIKH AWEIS AXMED AL-BARAAWI (AL QAADIRIYA) iyo kuwo kale oo ka soo shaqeeyey Adkaartii uu bug-diggeeda uu lahaa Sheekha oo ka soo jeeda reer Baraawe iyo Somalida inteeda kale.

Waxay ahaayeen Culumo fidinta diinta Islaamka naftoodi ugu huray iyagoo qaarkoodna lagu gubey nolol sida loo diley Sheikh Aweis Al- Baraawi , laguna diley Degmada BIYOOLEY ee gobolka BAKOOL si loo hakiyo fidinta Diinta Islaamka iyagoo falalkaas kuwii geystey ay haddana u soo xuub siibteen iney qabuuraha Culimadii geeriyootey iney ka tir tiraan taariikhda Islaamka kuwaaso Eebe ugu nicmeeyay in uu siiyo karaamo una fududeeyo baridda iyo fidinta diinta, waxayna aqoontooda gaartay meel sare, Waxay jawaabi jireen mas-alooyin adag oo ay weedi jireen Culumo ka Imaan jirtay Dalka Masar iyadoo waqtigaas ay isgaarsiintu yareed. Ilaa iyo haddana laga heli karo Maktabadaha Jaamacatul Azhar Al Shariif sida jawaabaha ku saabsan Shareecada iyo Fiqiga oo ay ka jawaabeen SHEIKH MACALLIM NUURII iyo SHEIKH NUUREINI AXMED SAABIRI.

Waxaan maxaakiimta u sheegeynaa in beelaha Soomaaliyeed badigooda ay yihiin dad muslimiin ahlu-Sunna ah, mad-hab kooduna waa Shafici ahlu dhariiqna ah (Suufiya), dadka reer Baraawena waa la mid.

Sida la wada ogyahay Soomaalidu waa dad muslimiin u badan, lagana aqoonsan yahay meelo badan ee Adduunka, waxaana sharaftaas gaarisiyay Culumada Somaliyed oo dhan sida kuwa maanta la burburinaayo qabuurtoodi dadweynahana loo diidaayo in ay siyaartaan, waa arrin cusub oo aan hore loo arag. Marka soo yaab ma aha arrintan Soomaaliyee ! Ma tahay ariin fidno hor leh Somaliya u horseedi karta , mase loo dulqaadan karaa?.

Taariikhdu markay ahayd 14-12-2006, subaxnimadii, ayaanu war ka helnay degmada Baraawe in ay ka dhacday arrin aad u fool xun oo khalad ah kaas oo ay ku kaceen Maxaakiimta iyagoo duulaan ku qaaday masaajidka lagu qabanaayey Siyaaro weyn oo sanad walba lagu xuso Sheekh Nuureyni oo ahaa Shiikh Ilaahey karaameeyay oo dadaal iyo taqwo badnaa, culumadii iyo ahlu-beydkii halkaas ku akhrinaayey Qur’aan una fadhiday Adkaarta Ilaahey ayaa siddeed nin oo ka tirsan qolada maxaakiimta.ugu soo galeen gudaha oo ay garaaceen xoogna ooga saareen, qabriga jibiyeen, mutoorka nalka iyo kan fiidiyoogana ka qaateen qurbaankana (cuntada) ay badda ku daadiyeen. Arrintaan foosha xun waa mid aan la aqbali karin oo mudan in lala dagallamo.

Sidaas darteed waxaan guud ahaan dadweynaha Soomaaliyeed gaar ahaanna Ahlu-dariiqda oo dhan weydiinaynaa. “Arrintan xad gudubka ah ma xaq baa?” Mase mudan tahay in laga aamuso ?

Haddaba waxaan Maxaakiimta ogeysiineynaa in dadka sameeyay falalkaas iyo kuwa sheeganaayo mas-uuliyadda degmada oo ay iskooda isku soo magacaabeen in la soo saaro maxkamad mas-uuliyadda degmadana lagu wereejiyo dadka iska leh deegaanka oo xoogga lagu haystey 16 Sano si loo baajiyo dhibaato dhacda aqoonna u leh dadkooda iyo deegaankooda , kuna haboon, maadaama qolada qabsatey Baraawe ay durba bilaaween in fitno diineyd ka abuuraan degmada taas oo ku fidi karto dalka oo dhan.

Waxaa wanaagsan in haddii mas-alo diineed ay timaado waa in si habsimi ah looga doodo wixii mugdi ku jirana la ifiyaa, iyadoo laga ilaalinayo wixii siyaasad ah. Shuyuukhdana in la xurmeeyo lana qiimeeyo maadaama ay na gaarsiyeen in aan noqono dad muslimiin oo sunni ah.

Waa in leyska jiraa lagana fogaadaa iska hor imaad diimeed oo khatar tii hore ka weyn la imaan karto.

Soomaalidu maanta,waxay u baahantahay xasilooni, dib u dhis iyo nabad waarto si ay uga baxdo dhibaatooyinka 16ka sano laga dhaxley dagaalka sokeeye.

Haddii aan ka hadalno wax qabadka maxaakiimta ee magaalada muqdisho waa arrin ay dadka ku farxeen guulna ah madaama ay ka sareen qabqableyaasha dagaalka oo nabadda hor taagnaa dad weynahana dhib, dhac iyo xasuuq ku haayey.

Magaalada muqdisho oo 16ka qalalaas iyo qas ka jiray ayey maxaakiimta xasilooni ku soo celiyeen, laakin waxaa laga rabo in wixii kale oo dhiman ay si degnaan, wacyi galin, waano iyo tusaalo fiican ay dadka ula yimaadaan, iyadoo dhici karto dadka xun oo dambiyada badan ay xusuustaan ama ay la yimaadaan alla ka cabsi. Diinta ma ogolo qasab ama xoog balse waxay u baahantahay hannuunin iyo tartiib.sida Ilaahey uu Qur’aankiisa ugu sheegey Nabigiisa NNKH kuna yiri ( FADAKKIR INNA MAA ANTA MUDAKKIRUN, LASTA CALEYHIM BI MUSEYTIR ILLAA MAN TAWALLAA FA KARAFAR ------------- )

Waxaa tusaale ah in Fircoon uu ahaa nin kaafir-mushrik weyn ah markii Alla Subxaan watacaalaa u diraayay Nabi Muusa iyo Walaalkiis Haaruun,
wuxuu ku yiri Fircoon ula tega hadal jilacsan bal inuu xusuusto ama cabsado. Fiiri aayadaha:

Haddaba madaama intaas nala farey waxaa maxaakiimta laga doonayaa
In dadka ay ugu yeeraan jidka Eebe si xigmad iyo waano fiican leh kulana doodaan sida ugu fiican, Eebaha waa ogyahy cidda ka dhunta jidkiis kuwo hannuunsanna waa ogyahay. fiiri aayaddan.

Sidaas darteed Maxaakiimta ma ahan Rasuul iyo Nabi toona, Ummadda Somaliyedna ma ahan Fircoon iyo Gaalo hadda Seef lagu Islaaminaayo marka waxaa talo inaga ah inaan la kicinin Fitmo Hurdeyso maxaa yeeley Ilaahey taasii waa reebey, waxaana mas’uuliyaddeeda qaadan doono ciddii sameyso.

Waxaan Ilaah ka baryeenaa inuu xaqa Somalida tuso, kana fogeeyo dulmiga iyo awood sheegashada.

Wa Billaahi Towfiiq.

ODEYAASHA REER BARAAWE EE WADDANKA INGIRISKA – UK.